काठमाडौं । अधिकारकर्मी ज्योति बानियाँले वरिष्ठ अधिवक्ता दिनेश त्रिपाठीलाई अदालत परिसरभित्रै हातपात गर्नेहरुलाई कारबाही गर्न माग गरेका छन् । उनले भारतीय अभ्यासअनुसार सर्वोच्च या उच्च अदालतले हस्तक्षेप गरोस् भनेका छन् ।
सामाजिक सञ्जाल फेसबुकमा लामो स्टाटस लेख्दै अधिकारकर्मी बानियाँले त्रिपाठीमाथि भएको हातपात गम्भीर अपराध भएको बताएका छन् ।
उनले लेखेका छन्–
‘वकिलमाथि हातपात – भारतिय अभ्यास – वरिष्ठ अधिबक्ता दिनेश त्रिपाठिको विवादमा पनि सर्बोच्च/ उच्च अदालतले हस्तक्षेप गरोस् ।’
भारतमा गत मार्च २०२४ मा वकिलहरु हडतालमा थिए । यहीँ बेला गौतमबुद्ध नगरस्थित जिल्ला अदालतमा वरिष्ठ अधिवक्ता गौरव भाटिया र अधिवक्ता मुस्कान गुप्तामाथि बहसका लागि इजलास पस्न खोज्दा भएको हातपात आक्रमण माथि अनुसन्धान गर्न अदालत आफै प्रतिबेदन लिएर कारबाही शुरु गर्यो ।
प्रधानन्यायाधीशको निर्देशनमा घटनाको सीसीटीभी फुटेज सुरक्षित गर्न, जिल्ला न्यायाधीशबाट प्रतिवेदन प्राप्त गर्न र दुव्र्यवहारको बारेमा प्रशासनिक कर्मचारीहरूबाट जानकारी सङ्कलन गर्ने काम तत्काल गरियोे ।
हडताल आह्वान गरेकोमा बहस गर्न गएको भनि वकिलले वकिल माथि घाटिमा लगाएको बेन्ड तानेर लछारपछार गर्दै दुव्र्यवहार गरेको घटना थियोे ।
अदालतले फैसला गर्दै भन्यो– ‘निवेदक सार्वजनिक व्यक्तित्व हुँदाहुँदै पनि अदालतमा उपस्थित भएर वादीको बचाउ गर्ने आफ्नो व्यावसायिक कर्तव्य निर्वाह गरिरहेका थिए। अदालतमा उपस्थित हुँदा वादीमाथि हातपात र उनको ब्यान्ड खोस्नु तान्नु सबैभन्दा निन्दनीय कार्य हो, जुन सर्वोच्च अदालत तथा प्रत्येक अदालतले यस विषयमा गम्भीर रूपमा हेर्नुपर्छ । प्रत्येक वकिलको अदालत समक्ष प्रतिनिधित्व गर्नु धारा २१ अन्तर्गत संरक्षित संवैधानिक अधिकार हो र कानूनी पेशाकर्मिहरूले आफ्नो क्षमताले भ्याएसम्म सबैभन्दा लगनशील रूपमा आफ्नो दायित्व पूरा गर्नु सम्बन्धित वकिलको कर्तव्य हो। गौतमबुद्ध नगरस्थित अदालतमा अधिवक्ताहरू हडतालमा थिए होलान्, तर सान्दर्भिक कुरा के हो भने, जानकारी गराइएपछि, वादीले स्थगनको लागि सहमति जनाएपछी यो घटना भएको पाइयो । यी परिस्थितिहरूमा, उनको ब्यान्ड तान्ने वा उनको मुद्दामा उल्लेख गरिए अनुसार हातपात गर्ने, उनीमाथि गरिएको सबैभन्दा निन्दनीय कार्य थियो ।’
