काठमाडौं । जय ट्रफी एलिट कपमा नेपाल पुलिस क्लबविरुद्ध मधेश प्रदेश १२९ रनमै समेटिएको छ ।
पहिलो पारीमा पुलिसका गुल्शन झाले ५ विकेट लिएपछि मधेश सस्तोमा समेटिएको हो ।
मधेसका ओपनर मयन यादवले अर्धशतक बनाए । मयनले १०२ बलमा २ छक्का र ५ चौकासहित ५९ रन जोडे । नीरज यादवले २९ र अभिषेक शर्माले अविजित १७ रन बनाउदा अन्य ब्याटरले दोहोरो अंकमा रन जोड्न सकेनन् ।
गुल्शनले १३ ओभरमा ४० रन खर्चिएर ५ विकेट लिए । कुशल भुर्तेलले दुई विकेट लिँदा ललित राजवंशी र श्रवण यादवले एक–एक विकेट लिए ।
