काठमाडौं । जय ट्रफी एलिट कप क्रिकेटको दोस्रो दिन आर्मी क्लबका सोमपाल कामीले अर्धशतक बनाएका छन् ।
वीरगञ्जस्थित नारायणी क्रिकेट मैदानमा जारी दोस्रो इनिङ्समा सोमपालले नेपाल पुलिस क्लबविरुद्ध अर्धशतक बनाएका हुन् ।
सोमपालले ७३ बलमा आफ्नो अर्धशतक पूरा गरेका हुन् । सो क्रममा सोमपालले ७ चौका र १ छक्का प्रहार गरे ।
खेलको दोस्रो इनिङ जारी रहँदा ३५ ओभरमा आर्मीले सात विकेट गुमाएर १२९ रन बनाएको छ ।
जारी प्रतियोगिताकै यो पहिलो अर्धशतक हो ।
