काठमाडौँ । प्रधानमन्त्री केपी शर्मा ओलीले सामाजिक सम्बन्धका संवेदनशील विषयमा सजग भएर मात्र प्रतिक्रिया दिनुपर्ने बताउनुभएको छ ।
बाल गायक सचिन परियारलाई श्रद्धाञ्जली प्रकट गर्दै प्रधानमन्त्री ओलीले यस्तो प्रतिक्रिया दिनुभएको हो ।
एकजना प्रतिभाशाली बालकमाथि पारिवारिक बेमेल र सामाजिक सञ्जालको भाइरल प्रवृत्तिले असर पुर्याएको भन्दै यसबाट पाठ सिक्नुपर्ने प्रधानमन्त्रीको भनाई छ ।
प्रधानमन्त्री ओलीले सामाजिक सञ्जालमा भन्नुभएको छ–
बाल गायक सचिन परियारको निधन भएको खबरले धेरै दुःखी छु। एकजना प्रतिभाशाली बालकमाथि पारिवारिक बेमेल र सामाजिक सञ्जालको भाइरल प्रवृत्तिले असर पुर्याएको यस घटनाले सामाजिक सम्बन्धका संवेदनशील विषयमा सजग भएर मात्र प्रतिक्रिया दिनु पर्छ भन्ने सबैलाई पाठ सिकाएको छ।
बाल गायक सचिनलाई हार्दिक श्रद्धाञ्जली !!
बाल गायक सचिनको आज बिहान निधन भएको थियो ।
