काठमाडौं । ईंग्लिश प्रीमियर लिग फुटबलमा आर्सनलले जित निकालेको छ ।
गएराति भएको खेलमा आर्सनलले ब्रेन्टफोर्डलाई उसकै घरेलु मैदानमा १-३ गोलले हराएको हो ।
खेलमा सुरुवाती अग्रता भने घरेलु टोलिले लिएको थियो । ब्रायन एम्बेउमोले खेलको १३ औं मिनेटमा गोल गर्दै ब्रेन्टफोर्डलाई सुरुवाती अग्रता दिलाएका थिए ।
२९ औं मिनेटमा गाब्रीयल जेसुसले गोल गर्दै आर्सनललाई १-१ को बराबरीमा ल्याए । त्यसपछि ५० औं मिनेटमा मेरिनोले तथा ५३ औं मिनेटमा गाब्रीयल मार्टीनेलीले गोल गर्दै आर्सनललाई ३-१ को जित दिलाए ।
जितसँगै तालिकाको दोस्रो स्थानमा रहेको आर्सनलले १९ खेलबाट ३९ अङ्क जोडेको छ । लिभरपुल १८ खेलबाट ४५ अङ्कका साथ शीर्षस्थानमा छ । ब्रेन्टफोर्ड २४ अङ्कका साथ १२ औं स्थानमा छ ।
