कास्की । कास्की प्रहरी हिरासतमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेको बयान सुरु भएको छ ।
सहकारी ठगी, सङ्गठित अपराध र सम्पत्ति शुद्धीकरणको मुद्दामा लामिछानेको जिल्ला अदालतमा बयान सुरु भएको हो ।
रविलाई बयानका लागि न्यायाधीशकोमा लगिएको छ । न्यायाधीश नितिज राईले उनीसँग बयान लिनेछन् । सोही मुद्दाकी प्रतिवादी लिला पछाईसँग बयान सकिएपछि रबिको पालो हाएको हो ।
लामिछानेसहित नेचर हर्ब्सका सञ्चालक रामबहादुर खनाल, पूर्वसञ्चालक समिति सदस्य कृष्ण गुरूङ, पूर्वकोषाध्यक्ष आरती गुरूङ र पूर्वसञ्चालक समिति उपाध्यक्षसमेत रहेकी पूर्वसांसद मीना गुरूङ पनि बयानको लागि अदालत उपस्थित छन् । सोहि प्रकरणमा गोर्खा मिडियाका पूर्वउपाध्यक्ष छविलाल जोशी र लिला पछाईंको भने बयान सकिएको छ ।
