गुल्मी । रेसुंगा नगरपालिकाको वडा नम्बर १४ लाई विभाजन गरी दुईवटा वडा बनाउने प्रस्ताव नगरसभाबाट पारित भएको छ ।
मंगलबार बसेको १६ औं नगरसभाबाट दुईवटा वडा बनाउने प्रस्ताव बहुमतले पारित भएको हो ।
१४ वटा वडा रहेको नगरपालिकामा पराल्मी सबैभन्दा ठूलो र विकट रहेको थियो । उक्त वडालाई विभाजन गर्नका लागि मानव संशासन तथा सुशासन समितिका संयोजक हुम बहादुर बस्नेतले प्रस्ताव प्रस्तुत गरेका थिए ।
वडा विभाजनको अन्तिम स्वीकृति भने संघीय सरकारले प्रदान गर्दछ । संघीय सरकारले पनि नगरसभाको प्रस्तावलाई स्वीकृत गरेमा वडानम्बर–१४ मा पर्ने पराल्मी र रातामाटा छुट्टिने गरी अर्को एउटा वडा थपिने छ । वडा विभाजन भएपछि नगरपालिकामा १५ वटा हुनेछन् ।
