काठमाडौं । पश्चिम नेपालको भ्रमणमा रहनुभएका पूर्वराजा ज्ञानेन्द्र शाह भारत जानु भएको छ ।
आईतबार मध्यान्न उहाँ भारत जानु भएको हो । हाल लखनउमा रहनु भएका पूर्वराजाले एक साता सम्म त्यसक्षेत्रका बिभिन्न धार्मिक क्षेत्रको भ्रमण गर्नु हुने जनाईएको छ ।
यस अघि मंसीर २२ गते पूर्वराजा नेपालगञ्ज जानु भएको थियो । उहाँले बागेश्वरी मन्दिरमा पूजा आजा गर्नुभएको थियो ।
यसै गरी पूर्वराजा शाह बर्दियाको बाह्रबिगामा आयोजना भएको श्रीमद् भागवती धनधान्याञ्चल सप्ताह महायज्ञमा सहभागी हुनुभयो ।
त्यसैगरी मंसिर २९ गते शनिबार तुल्सीपुरमा रहेको स्वर्गीय राजा वीरेन्द्र स्मृति पार्कमा पुग्नुका साथै घोराहीमा रहेको पाण्डभेश्वर मन्दिरमा पुगेर पूजा अर्चना गर्नुभएको थियो ।
