काठमाडौँ । यू–१९ महिला एसिया कपको उपाधि भारतले जितेको छ ।
क्वालालम्पुरमा भएको फाईनल खेलमा बंगलादेशलाई ४१ रनले पराजित गर्दै भारतीय महिला क्रिकेट टोलीले उपाधि जितेको हो ।
पहिले ब्याटिङ गरेको भारतीय महिलाले ७ विकेट गुमाएर ११७ रन मात्र बनाएको थियो । ११८ रनको लक्ष्य पछ्याएको बंगलादेशको टोलीले १८.३ ओभरमा जम्मा ७६ रन बनायो ।
पहिलो संस्करणको प्रतियोगितामा नेपाल पनि सहभागि भएको थियो । नेपाल प्रतियोगितामा तेस्रो भयो । नेपाललाई सुपर फोरमा हराउदै बङ्गलादेश फाईनलमा पुगेको थियो ।
