एजेन्सी । अष्ट्रेलियाविरुद्धको तेस्रो टेस्टमा विराट कोहलीले इतिहास रच्ने भएका छन् । यो खेलसँगै उनी अष्ट्रेलियाविरुद्ध १०० अन्तर्राष्ट्रिय खेल खेल्ने दोस्रो खेलाडी बन्नेछन् । सचिन तेन्दुलकरले अस्ट्रेलियाविरुद्ध ११० खेल खेलेका छन् ।
विराटले अस्ट्रेलियाविरुद्ध ९९ खेलमा १७ शतक प्रहार गरेका थिए जसमध्ये उनी ९ पटक प्लेयर अफ द म्याच भएका छन् । विराटले अष्ट्रेलियाका ७ मध्ये ६ सहरमा शतक प्रहार गरेका छन् भने ब्रिस्बेन मात्र एक मात्र सहर हो जहाँ उनले शतक बनाउन सकेनन् ।
अस्ट्रेलिया विरुद्ध ५००० माथि रन
विराटले अष्ट्रेलियाविरुद्ध २७ टेस्ट, ४९ एकदिवसीय र २३ टी–२० खेलेका छन् । जसमा उनले ५० भन्दा बढीको औसतमा ५३२६ रन बनाए । उनको नाम १७ शतक र २७ अर्धशतक रहेको छ । विशेष कुरा यो छ कि विराटले अस्ट्रेलियाविरुद्ध १७ शतकमध्ये १० शतक उसकै घरेलु मैदानमा बनाएका छन् ।
विराटको उपस्थितिमा भारतले अष्ट्रेलियालाई १० टेस्ट, २१ एकदिवसीय र १५ टी–२० मा पराजित गरेको थियो । विराट जहिले पनि तीनवटै ढाँचामा प्लेइङ–११ को हिस्सा थिए ।
विराटले २०१८ मा अष्ट्रेलियाको भूमीमा इतिहास रचेका थिए, जब उनले आफ्नो कप्तानीमा भारतलाई टेस्ट सिरिज २–१ ले जिताएका थिए । क्रिकेट इतिहासमा पहिलो पटक भारतले घरेलु मैदानमा अष्ट्रेलियालाई टेष्ट सिरिजमा पराजित गरेको हो ।
विराटले आफ्नो करियरका अधिकांश खेल अष्ट्रेलियाविरुद्ध मात्र खेलेका छन् । उनले न्युजिल्यान्ड, दक्षिण अफ्रिका, वेस्ट इन्डिज, श्रीलंका र इङ्ल्यान्डविरुद्ध ५० भन्दा बढी अन्तर्राष्ट्रिय खेल खेलिसकेका छन् । अस्ट्रेलियापछि उनले श्रीलंकाविरुद्ध १५ र वेस्ट इन्डिजविरुद्ध १२ शतक प्रहार गरेका छन् । इंग्ल्याण्डविरुद्धको ८५ खेलमा उनको नाममा ८ शतक छ ।
