नयाँदिल्लीः भारतको वाणिज्य तथा उद्योग मन्त्रालयले आइतबारदेखि लागू हुने गरी भारतबाट अल्कोहल आधारित ह्यान्ड स्यानिटाइजर्सको निर्यातमाथिको प्रतिबन्ध हटाएको छ ।
भारत सरकारले कोरोनाभाइरस महामारीलाई ध्यानमा राखी गत मार्चदेखि ह्यान्ड स्यानिटाइजर्सको विदेश निकासीमाथि प्रतिबन्ध लगाएको थियो ।
गत मे महिनामा यसमा केही लचकता अपनाउँदै अल्कोहल आधारित स्यानिटाइजरमाथि मात्र प्रतिबन्ध बाँकी थियो । जुन महिनामा यसमा पनि लचकता अपनाइएको थियो । सरकारले पम्पबाट छर्कने अल्कोहल आधारित स्यानिटाइजर्समा मात्र निकासीमा प्रतिबन्ध लगाइराखेको थियो ।
भारत सरकारले अब पम्पबाट छर्कने स्यानिटाइजर्स पनि विदेश निकासीका लागि खुला गरेको वाणिज्य मन्त्रालयले जनाएको छ ।
एजेन्सी
