काठमाडौँ । सोमबार र मंगलबार उच्च अंकको गिरावट आएको सुनको मूल्य बुधबार बढेको छ ।
आज नेपाली बजारमा सुनको मूल्य प्रतितोला ९०० रुपैयाँले बढेको नेपाल सुनचाँदी व्यवसायी महासंघले जनाएको छ ।
यससँगै, आज छापावाल सुन प्रतितोला एक लाख ४९ हजार ६०० रुपैयाँमा कारोबार भइरहेको महासंघले जनाएको छ । मंगलबार उक्त सुन प्रतितोला एक लाख ४८ हजार सात सय रुपैयाँमा काराबार भएको थियो ।
यस्तै, बुधबार चाँदीको मूल्य पनि बढेको छ । आज चाँदी प्रतितोला १० रुपैयाँले बढेर एक हजार ८३० रुपैयाँमा कारोबार भइरहेको महासंघले जनाएको छ ।
