काठमाडौं । हिमालय एयरलाइन्सले सबै ट्राभल एजेन्टहरूलाई न्यूनतम लाभ मार्जिनमा मात्र टिकट बिक्री गर्न निर्देशन दिएको छ ।
एयरलाइन्सले आज एक बिज्ञप्ति जारी गर्दे यात्रुहरूलाई सहज बनाउन उच्चतम श्रेणीको भाडादरमा टिकट बिक्री नगर्ने निर्णय गरेको जानकारी गराएको हो । एयरलाइन्सलेयो निर्णय २१ नोभेम्बरदेखि लागू भएको समेत जनाएको छ । एयरलाइन्सले त्रिभुवन अन्तर्राष्ट्रिय विमानस्थलमा १० घण्टा बन्द हुने कारण देखाउँदै अन्तर्राष्ट्रिय उडानमा लिइएको उच्च भाडादरबारे आएका जनगुनासोलाई गम्भीर रूपमा लिएको समेत जनाएको छ ।
विज्ञप्तिमा एयरलाइन्सले हवाई टिकटको कालोबजारी रोक्न र विदेश यात्रा गर्ने सर्वसाधारणलाई उचित भाडा दर उपलब्ध गराउन आफ्नो सिट क्षमताभित्रै उचित दर कायम गरेको जानकारी गराएको छ।
एयरलाइन्सले कालोबजारी भेटिएमा नेपालको सम्बन्धित कानुनअनुसार कारबाही गर्ने चेतावनी दिएको छ।
