काठमाडौं । स्थानीय तह उपनिर्वाचनका लागि मनोनयन दर्ता गरेका उम्मेदवारको नाम आज प्रकाशित हुने भएको छ । निर्वाचन आयोगले आज साँझ ५ देखि ६ बजेसम्म उम्मेदवारको नामावली प्रकाशन गर्ने कार्यतालिका बनाएको हो ।
उम्मेदवारले भोलि बिहान ९ देखि अपराह्न १ बजेसम्म नाम फिर्ता लिन चाहेमा सक्ने छन् । भोलि नै दिउँसो १ देखि ३ बजेसम्म अन्तिम नामावली प्रकाशन हुनेछ । दिउँसो ३ देखि ५ बजेसम्म उम्मेदवारलाई निर्वाचन चिह्न प्रदान गरिने छ ।
कुल ४४ पदमा हुन लागेको निर्वाचनमा ४१० जनाको उम्मेदवारी परेको छ । मतदात मंसिर १६ गते बिहान ७ देखि अपराह्न ५ बजेसम्म हुने छ ।
