एजेन्सी । यस वर्षको सबैभन्दा ठूलो ब्लकबस्टर फिल्म ‘स्त्री २’ ले भारतमा कुल ६२७.०२ करोड कमाएपछि श्रद्धा कपुर अहिले आफ्नो अर्को फिल्मको तयारीमा व्यस्त छिन् ।
स्त्री पछि अब श्रद्धा कपुर नागिन बन्न लागेकी छिन् । निर्माता निखिल द्विवेदीले श्रद्धा कपूर नागिन बन्ने पक्का गरेका छन् ।
श्रद्धाले अर्को वर्ष आफ्नो फिल्म नागिनको सुटिङ सुरु गर्नेछिन् । इन्डिया टुडे डिजिटलसँगको अन्तर्वार्तामा निखिल द्विवेदीले यस भूमिकाका लागि श्रद्धा उनको पहिलो रोजाइ भएको खुलासा गरेका छन् ।
उनले फिल्मको स्क्रिप्ट तयार भएको बताए । त्यसलाई पूरा गर्न ३ वर्ष लामो समय लाग्यो । ३ वर्षमा यसमा धेरै परिवर्तन भएपनि अहिले अन्तिममा सम्पन्न भएको छ ।
यससँगै उनले अहिले आफ्नो नागिन लुकलाई श्रद्धालाई ध्यानमा राखेर तयार पारिएको बताए । श्रद्धा उत्कृष्ट अभिनेत्री भएकाले सुरुदेखि नै कास्टिङ गर्ने निर्णय भएको निखिलले बताए ।
यसका साथै निखिलले यो एकदमै नयाँ विषय रहेको जसको कुनै पुरानो फिल्म वा शोसँग कुनै सम्बन्ध नरहेको स्पष्ट पारे ।
