काठमाडौँ । धर्म गुरु भनेर चिनाउने ‘भाइरल झाँक्री’ प्रकाश भुजेल गाडी दुर्घटना गरेर फरार भएका छन् ।
साँखुमा प्रकाश मानव सेवा सांस्कृतिक झाँक्री केन्द्र सञ्चालन गरेका सामाजिक सञ्जालमा भाइरल भुजेलको गाडीले शंखरापुर इन्द्रायणीमा मोटरसाइकललाई ठक्कर दिँदा मोटरसाइकल चालक गम्भीर घाइते भएका छन् ।
शंखरापुर–९ इन्द्रायणीमा उनको गाडी सडकबाट घरको सटरमा पुगेर ठोक्किएको र त्यसलगत्तै भुजेल गाडी छाडेर फरार भएको बताइएको छ ।
मोटरसाइकल र स्कुटर ठोक्किएपछि जोगाउन खोज्दा भुजेलले चलाएको गाडी अनियन्त्रित भएर घरभित्र पसेको थियो ।
घटनाबारे अनुसन्धान भइरहेको र घाइतेलाई उपचारका लागि पठाइएको प्रहरीले जनाएको छ ।
प्रहरीले फरार भएका भुजेलको खोजी गरिरहेको जनाएको छ ।
