वीरगन्ज । राप्रपा नेपालका अध्यक्ष कमल थापाले मुलुकलाई भ्रष्ट व्यवस्था र भ्रष्ट शासकबाट मुक्ति दिनको निमित्त निर्णायक आन्दोलन गर्ने चेतावनी दिनुभएको छ ।
पार्टीको तराई मधेस राष्ट्रिय सम्मेलनको वीरगन्जमा उद्घाटन गर्दै अध्यक्ष थापाले तराई मधेसको पहिचान रक्षाका लागि मधेस केन्द्रित अभियान शुरु भएको बताउनुभयो ।
मधेसको पहिचानको रक्षाको लागि बिकास र समृद्धिको लागि मधेशि जनताको हक, हित र समृद्धिको लागि राप्रपा नेपाल शसक्त रुपमा कृयाशिल हुनुपर्नेमा जोड दिँदै थापाले राष्ट्रबादी, प्रजातान्त्रिक ,राजावादी, हिन्दुवादी शक्तिहरु मिलेर निर्णायक आन्दोलन गर्नुपर्नेमा जोड दिनुभयो ।
सनातन हिन्दु धर्म मधेसको पहिचान र सान भएको भन्दै थापाले मधेसको पहिचानको रक्षाका लागि नयाँ ढङ्गबाट आन्दोलन गर्नुपर्ने बताउनुभयो ।
तराई मधेस क्षेत्रको आर्थिक,सामाजिक, सांस्कृतिक बिकासको लागि राप्रपा नेपालसङ्ग दुरदर्शी नीति ,योजना र कार्यक्रम रहेको समेत उहाँले जिकिर गर्नुभयो ।
राष्ट्रबादी शक्तिहरु धुर्बिक्रीत भएर होइन अब एकिकृत भएर नयाँ ढंगबाट अघि बढ्नुको बिकल्प नभएको भन्दै थापाले अहिले एजेन्डा केन्द्रित भएर फराकिलो किसिमले योजनाबद्ध रुपमा कदम चाल्नुपर्ने आवश्यकता औंल्याउनुभयो । देश बरबादी तर्फ गएकाले राष्ट्रबादी देशभक्तहरु मुकदर्शक भएर बस्न नमिल्ने भन्दै थापाले गणतन्त्र ,धर्मनिरपेक्षता र संघीयताले मुलुकको हित गर्न नसक्ने दाबी गर्नुभयो ।
दुई दिने सम्मेलनमा २१ जिल्लाका २ सय ५० प्रतिनिधि सहभागी छन् ।
