काठमाडौं । प्रधानमन्त्री केपी शर्मा ओलीले भाइटीका लगाउनु भएको छ ।
बहिनीहरु विष्णुमाया ढकाल, कौशिला कोइराला र विष्णु ओलीले बालुवाटारमा पुगेर प्रधानमन्त्री ओलीलाईटीका लगाइदिएका हुन् ।
नेपाल पञ्चांग निर्णायक समितिले यस वर्षको भाइटीकाको उत्तम साइत आईतवार बिहान ११ बजेर ३७ मिनेटका लागि निर्धारण गरेको थियो । भाइटीकाको उत्तम साइत तय गरिए पनि दिनभर नै टीका लगाउन सकिने समितिले जनाएको छ ।
यमपञ्चकको अन्तिम दिन आज दिदीबहिनीले दाजुभाइलाई र दाजुभाइले दिदीबहिनीलाई टीका लगाउने गरिन्छ ।
तस्बिर : दिनेश भण्डारी, प्रधानमन्त्रीको सचिवालय ।
