काठमाडौं । पूर्वमन्त्री तथा नेपाली काँग्रेसका नेता मीन विश्वकर्मालाई भेन्टिलेटरमा राखेर उपचार गरिएको छ। कोरोना संक्रमणका कारण विरामी परेका उनलाई निमोनिया पनि भएको छ । स्वास्थ्य अवस्था बिग्रँदै गएपछि कांग्रेसका नेता विश्वकर्मालाई आइसियुबाट पनि शनिबारदेखि भेन्टिलेटरमा सारिएको हो । उनी ग्राण्डी अस्पतालमा उपचाररत छन्।
चिकित्सकहरुका अनुसार विश्वकर्माको स्वास्थ्य अवस्थाको अवस्था शनिबार थप बिग्रिएको छ । यस बारेमा उनको परिवारका सदस्यलाई जानकारी दिइएको र आइतबारको अवस्थाको बारेमा केही जानकारी दिइएको छैन ।
‘उ‘निमोनियाले फोक्सोलाई ७० प्रतिशत प्रभावित बनाएको चिकित्सकले जनाएका छन् । विश्वकर्मालाई ज्वरो र स्वासप्रश्वासको पनि समस्या देखिएको थियो।
‘उहाँको फोक्सोभित्र कोरोना भाइरस छ। त्यसलाई उहाँको शरीरको इम्युनिटी प्रणालीले कसरी हटाउन सक्छ। बिग्रेको फोक्सो कसरी सुधार हुन्छ त्यसमा नै उहाँको स्वास्थ्य निर्भर रहन्र्छ एकजना चिकित्सकले जानकारी दिएका छन् ।
विश्वकर्मालाई फोक्सोबाहेक अरू समस्या भने नरहेको डाक्टरहरूले बताएको विश्वकर्माका आफन्त दिवस पौडेलले जानकारी दिए । विश्वकर्माको स्वास्थ्य स्थिर रहेको जानकारी आफूहरूलाई दिइएको उनले बताए।
‘उहाँ अहिले भेन्टिलेटरमा हुनुहुन्छ। स्वास्थ्यमा सुधार आउन केहि समय लाग्छ भन्ने डाक्टरहरूको भनाइ छ,’ पौडेलले भने । उनको स्वास्थ्य अवस्था बिग्रेका कारण भेन्टिलेटरमा सार्नुपरेको अस्पतालले जनाएको छ।
विश्वकर्मालाई गत कात्तिक १ गते कोरोना देखिएको थियो। त्यसपछि केहि दिन होम आइसोलेसन बसेका उनलाई वीर अस्पताल लगिएको थियो । त्यहाँ पनि उनको स्वास्थ्यमा सुधार हुन नसकेपछि ग्राण्डी अस्पताल लगिएको हो ।
