काठमाडौं । महिला साफ च्याम्पियनसीपको फाइनल दशरथ रंगशालामा सुरु भएको छ । त्रिपुरेश्वरस्थित दशरथ रंगशालामा भईरहेको फाइनल खेलमा घरेलु टीम नेपाल र बंगलादेश खेलिरहेका छन् ।
प्रधानमन्त्री केपी शर्मा ओली पनि फाइनल खेल हेर्न रंगशाला आइपुगेका छन् । रंगशालामा दर्शकको बाक्लो उपस्थिति रहेको छ ।
नेपाल पहिलोपटक साफ च्याम्पियनसीपको उपाधि जित्ने खोजीमा छ । अघिल्लो संस्करणमा पनि फाईनलमा नेपाल र बंगलादेश भिडेका थिए । नेपाल उपविजेतामा मात्र सिमित भएको थियो ।
नेपालको प्लेइङ ११ः
एन्जिला तुम्बापो सुब्बा (गोलरक्षक) पूजा राना, बिमला बिक, अमृता जैसी, रेनुका नगरकोटे, सरु लिम्बु, साबित्रा भण्डारी, गीता राना, प्रीती राई, सविता राना मगर र अमिषा कार्की ।
