काठमाडौं । कास्की जिल्ला अदालतले सभापति रवि लामिछानेलाई थप ७ दिन हिरासत राख्न अनुमति दिएसँगै आक्रोशित रास्वपा कार्यकर्तामाथि प्रहरीले अश्रुग्यास प्रहार गरेको छ ।
रवि पक्राउदेखि निरन्तर आन्दोलित उनीहरू निषेधित क्षेत्र प्रवेश गरेपछि प्रहरीले २ सेल अश्रुग्यास प्रहार गरेको हो ।
रविलाई अदालत लग्दा कार्यकर्ताहरु ले निषेधित क्षेत्र बाहिर बसेर प्रदर्शन गरिरहेका थिए । तर, म्याद थपको सूचनालगत्तै आक्रोशित उनीहरू निषेधित क्षेत्रतर्फ अघि बढेपछि प्रहरीले रोक्न बल प्रयोग गरेको हो ।
अहिले पनि पार्टी कार्यकर्ता र समर्थकले नारावाजी गरिरहेका छन् ।
