काठमाडौँ । नेपाल कम्युनिष्ट पार्टी (नेकपा) अध्यक्ष एबं प्रधानमन्त्री केपी ओलीले पार्टीका बरिष्ठ नेता माधबकुमार नेपालसंग छलफल गरिरहनु भएको छ । प्रधानमन्त्री निवास बालुवाटारमा भै रहेको छलफलमा नेता नेपालका साथमा नेताहरु भीम रावल ,सुरेन्द्र पाण्डे रघुजी पन्त पनि सहभागी हुनुहुन्छ ।
शनिबार मात्र सचिवालयका पाच सदस्यले ४८ घण्टा भित्र सचिवालयको बैठक बोलाउन लिखित आग्रह गरेको अबस्थामा अध्यक्ष ओलीले बरिष्ठ नेता नेपाल संग छलफल गर्नुभएको हो । बिहान प्रधानमन्त्री ओलीले नेता नेपाललाई फोन गरेर बोलाएपछि नेता नेपाल केही नेताहरुको साथमा बालुवाटार पुग्नु भएको हो ।
शनिबारको बैठकमा पनि नेता नेपाल प्रधानमन्त्रीको कार्यशैली माथी प्रश्न उठाउनु भएको थियो । शनिबारको छलफलमा पुष्पकमल दाहालले बोल्दा कडा प्रतिबाद गर्नुभएका अध्यक्ष ओलीले नेपालले प्रश्न उठाउदा भने खासै जवाफ दिनु भएको थिएन ।
