काठमाडौं । नेकपा कम्युनिष्ट पार्टी (नेकपा) का अध्यक्ष केपी शर्मा ओलीले पार्टी भित्रका समस्या र तीनको समाधानका लागि गठन गरिएको कार्यदलका सदस्यहरु छलफल गर्दे हुनुहुन्छ । पार्टी भित्र चरम अन्तरसर्घष बढ्दै गएपछि फुटको अबस्थामा पुग्नै लाग्दा गत श्राबणमा महासचिब बिष्णु पौडेलको संयोजकत्वमा गठन गरिएको कार्यदलका सदस्यहरु पुन प्रधानमन्त्रीले छलफल गर्न लाग्नु भएको हो ।
कार्यदलमा महासचिब पौडेल, शंकर पोखरेल, भीम रावल, सुरेन्द्र पाण्डे, जनार्दन शर्मा र पम्पा भुषाल सदस्य रहनु भएको थियो । कार्यदलले १४ बुँदे सुझाब दिदै त्यसकै आधारमा अघि बढ्ने सहमति तत्कालका लागि बिवाद टरेको थियो । फेरी शिर्षतहमा मनमुटाब बढ्दै गई पार्टी फुटको अबस्थामा पुग्न लागेको भन्दै कार्यकर्ताहरुले नेतृत्वलाई मिल्नका लागि दवाब दिएका थिए ।
आईतबार मात्र कार्यदलका सदस्य एबं स्थायी समिति सदस्य शंकर पोखरेलले स्थायी समितिको निर्णयलाई आधार मानेर अघि बढेदै समस्या समाधान हुने बताउनु भएको थियो । केही दिन यता पार्टीको बिवाद मिलाउनका लागि महासचिब पौडेल सहित केही नेताहरु सक्रिया थिए । दोश्रो तहमा नेताहरुको सक्रियता पछि प्रधानमन्त्री तथा अध्यक्ष ओलीले पौडेल नेतृत्वको कार्यदल संग छलफल गर्न लाग्नु भएको हो ।
आईबार मात्र प्रधानमन्त्री ओलीले बरिष्ठ नेता माधबकुमार नेपाल सहित नेताहर भीम रावल, सुरेन्द्र पाण्डे र रधुजी पन्तसंग पनि छलफल गर्नुभएको थियो ।
