काठमाडौ । नेपाल कम्युनिष्ट पार्टी (नेकपा) का शिर्ष नेताहरु विचको बिमति हल गर्ने उपाय खोज्न बिगतमा महासचिब बिष्णु पौडेलको संयोजकत्वमा गठित कार्यदलले प्रहल सुरु गरेको छ । कार्यदलका सदस्यहरुले स्थायी समितिको सर्बसम्मत निर्णयलाई आधार मानेर अघि बढ्न नेतृत्वलाई सुझाब दिने तयारी गरेको छ ।
सोममबार कार्यदलका संयोजक महासचिब बिष्णु पौडेल सहित सदस्यहरु शकर पोखरेल, भीम रावल , सुरेन्द्र पाण्डे बीच छलफल भएको छ । आजको छलफलमा सदस्यहरु जनार्दन शर्मा र पम्पा भुषाल भने स्वास्थ्थका कारण देखाउदै नभएको एक नेताले जानकारी दिनुभयो । गत साउनमा पार्टीभित्रको विवाद उत्कर्षमा पुगेको बेला सचिवालय ले महासचिब पौडेलको संयोजकत्वमा ३० गते ६ सदस्यीय कार्यदल गठन गरेको थियो ।
कार्यदलको दिएको सुझाबलाई स्थायी समितिले सर्बसम्मत रुपमा अनुमोदन गरेको थियो । पुन बिवाद बढ्दै गएपछि सनिबार अध्यक्ष पुष्पकमल दाहाल सहित नेताहरु माधबकुमार नेपाल , झलनाथ खनाल , बामदेब गौतम र नारायणकाजी श्रेष्ठले ४८ घण्टा भित्र बैठक बोलाउन माग गर्दै लिखित निबेदन पेश गर्नुभएको थियो । उहाँहरुले कार्यदलले दिएको प्रतिवेदन र स्थायी कमिटीको निर्णय कार्यान्वयनका गर्न ४८ घण्टा भित्र सचिवालय बैठक बोलाउन माग गर्नु भएको थियो । पाँच नेताले दिएको अल्टिमेटम आज सकिदैछ ।
