काठमाडौं। आउँदै गरेको नेपालीहरुको महान चाड तिहारमा पाँच दिन बैंकहरुका सबै शाखाहरु बन्द हुने नेपाल बैंकर्स संघले जनाएको छ। कोरोनाको कहर देशभरी नै बढ्दै गएको कारण र त्यससंगै कर्मचारीहरुमा पनि संक्रमण बढिरहेको कारण देखाउँदै संघले सदस्य बैंकहरुसँग तिहार बिदाका बेला शाखा कार्यालय बन्द गर्ने निर्णय गरेको हो।
संघले कात्तिक २९ देखि मंसिर १ गतेसम्म बिदा दिने जनाएको छ।
संघका अनुसार, वाणिज्य बैंकहरुका करिब ६ हजार कर्मचारी संक्रमित भईसकेका छन्। संघले डिजिटल बैंकिङ सेवा निरन्तर हुने जनाएको छ। साथै एटीएम पनि सञ्चालन हुनेछ।
