काठमाडौँ । भुटान भ्रमणमा रहेका पूर्वराजा ज्ञानेन्द्र शाहले त्यहाँका राजा जिग्मे खेसर नामग्यालसँग भेट गर्नुभएको छ ।
पूर्वराजा शाहले भूटानका निबर्तमान राजा जिग्मे सिग्मे वांनचुक बिच डेचेन छोलिंग राजप्रसादमा भेटवार्ता गर्नुभएको थियो । बिहीबार भुटान प्रस्थान गर्नुभएको पूर्वराजा शाहले आज राजपरिवारका सदस्यहरुसंग शिष्टाचार भेट गर्नुभएको हो ।
पूर्वराजा शाह ५ सदस्यीय टोलीसहित भुटानको भ्रमणमा निस्कनुभएको थियो ।
पूर्वराजासँग पूर्वअधिकारकुमारी (छोरी) प्रेरणा र पूर्वशाहज्यादी (भतिजी) शिताष्मा पनि हुनुहुन्छ । यस्तै, पारिवारिक सदस्य राजु सिंह पनि भ्रमण दलमा हुनुहुन्छ ।
भुटानको राष्ट्रिय ध्वजावाहक ड्रुक एयरलाइन्सबाट जानुभएको पूर्वराजालाई स्वागत गर्न बिमानस्थलमा रातो कार्पेट ओछ्याइएको थियो । भुटानकी राजकुमारी बिमानस्थलमा रिसिभ गर्न पुग्नुभएको थियो ।
