काठमाडौँ । युएईमा अक्टोबर ३ बाट सुरु हुने टी–२० महिला विश्वकप अघि आईसीसीले इभेन्टको अफिसियल गीत ‘ह्वाटएभर इट टेक्स’ सार्वजनिक गरेको छ ।
यसको युट्युब च्यानलमा रिलिज भएको गीतमा साउन्ड ट्रयाकसँगै अफिसियल म्युजिक भिडियो पनि सार्वजनिक गरिएको छ ।
जसले टूर्नामेन्टको सिनेमेटिक पूर्वावलोकन देखाउँछ । गीतमा महिला क्रिकेटका प्रतिष्ठित क्षणहरूको हाइलाइटहरू समावेश गरिएको छ ।
उद्घाटन खेल बंगलादेश र स्कटल्याण्डबीच अक्टोबर ३ मा शारजाहमा हुनेछ ।
महिला टी–२० विश्वकप अक्टोबर ३ देखि २० सम्म युएईमा हुने छ । यस विश्वकपमा १० टोलीको सहभागिता रहनेछ । १८ दिनमा २३ खेलहरू हुनेछन् । समूह ए मा ६ पटकको च्याम्पियन अस्ट्रेलिया, भारत, पाकिस्तान, न्युजिल्यान्ड र श्रीलंका छ ।
समूह ‘बी’ मा आयोजक बंगलादेश, इंग्ल्याण्ड, दक्षिण अफ्रिका, वेस्ट इन्डिज र स्कटल्यान्ड रहेको छ ।
हेर्नुहोस् गीतः
