काठमाडौं । गृह मन्त्रालयले तीन जिल्ला काठमाडौं, भक्तपुर र धनुषाका प्रमुख जिल्ला अधिकारी (सिडिओ) हेरफेर गरेको छ ।
काठमाडौंमा नयाँ सिडिओको रुपमा काली पराजुली र भक्तपुरमा प्रेम भट्टराई आएका छन् । एक बर्षे कार्यकाल सकिएपछि काठमाडौंका हालका सिडिओ जनकराज दाहाल र भक्तपुरका सिडिओ हुमकला पाण्डेलाई गृह मन्त्रालय सरुवा गरिएको हो ।
धनुषामा बन्धु बाँस्तोला नयाँ सिडिओका रुपमा सरुवा भएको गृह मन्त्रालयले जनाएको छ ।
