काठमाडौं । अखिल नेपाल फुटबल संघ (एन्फा)ले पुरुष टिमको प्रमुख प्रशिक्षकका लागि आवेदन माग गरेको छ ।
हालका मुख्य प्रशिक्षक भिन्सेन्जो अल्कर्टो एनेसको अवधि नवीकरण नहुने भएसँगै एन्फाले सोमबार सामाजिक सञ्जालमा एक सूचना राख्दै प्रमुख प्रशिक्षक माग गरेको हो ।
एएफसीको प्रो लाइसेन्स भएकोले मात्रै आवेदन दिन सक्नेछन् । त्यस्तै आवेदकसँग सिनियर राष्ट्रिय टोली अथवा व्यवसायिक फुटबलमा ५–१० वर्षको अनुभव रहनुपर्ने मापदण्ड समेत तोकिएको छ ।
भदौ १३ गते बसेको एन्फा बोर्ड बैठकले एनेसको सम्झौता अवधि थप नगर्ने निर्णय गरेको थियो ।
