काठमाडौं । काठमाडौं महानगरपालिकाका प्रमुख बालेन्द्र शाहले प्रधानमन्त्री केपी शर्मा ओलीका कारण पीडित बालिकाले न्याय नपाएर मर्नुपरेका कारण बाल दिवसको शुभकामना दिन नसकिएको बताएका छन् ।
सामाजिक सञ्जाल फेसबुकमा आज साँझ टिप्पणी गर्दै महानगर प्रमुख शाहले बाल दिवसको शुभकामना स्वयं प्रधानमन्त्रीलाई टक्रयाउन चाहेको र ग्रहण गर्न आग्रह गरेका छन् ।
उनले सामाजिक सञ्जालमा लेखेका छन्– ‘पीडित बालिकाहरुले प्रम (खडगप्रसाद ओली)का कारण न्याय नपाएर मर्नु परेका कारण बाल दिवसको शुभकामना दिन सकिन, सो शुभकामना स्वय प्रम ज्यूलाई नै टक्रयाउन चाहन्छु ग्रहण गर्नुहोला ।’
यसअघि आजै दिउँसो आयोजित एक कार्यक्रममा प्रधानमन्त्री ओलीले महानगरप्रमुख बालेन्द्र शाहलाई लक्षित गर्दै टिप्पणी गरेका थिए । उनले बालेन्द्र शाहलाई बालकको संज्ञा दिएका थिए ।
