एजेन्सी । बंगलादेशले सेप्टेम्बर १९ देखि हुने भारतविरुद्धको टेस्ट सिरिजका लागि टोली घोषणा गरेको छ ।
दुई खेलको यो शृङ्खलाका लागि १६ सदस्यीय टोली छनोट गरिएको छ । टोलीको कप्तान नजमुल हसन शान्तो हुनेछन् ।
टोलीमा शकिब अल हसनले पनि मौका पाएका छन् । उनीमाथि बंगलादेशमा हसिना सरकारविरुद्धको आन्दोलनमा सहभागी एक विद्यार्थीको हत्या गरेको आरोप छ ।
आन्दोलनमा चार सयभन्दा बढीले ज्यान गुमाएका थिए । साकिबसहित १४७ जनामाथि यी मध्ये एक विद्यार्थीको हत्या गरेको आरोप छ ।
बंगलादेश क्रिकेट बोर्ड (बीसीबी) ले शकिब अल हसनको हत्याको आरोपमा बचाउ गरेको थियो । बोर्डका अध्यक्ष फारुक अहमदले भनेका थिए– ‘साकिब अल हसन दोषी प्रमाणित नभएसम्म बंगलादेशका लागि खेल्ने छन् । हामी उनलाई भारत भ्रमणको लागि पठाउने छौं ।’
टेस्ट सिरिजका लागि बंगलादेश टोलीः
नजमुल हसन शान्तो (कप्तान), महमुदुल हसन जोय, जाकिर हसन, शादमान इस्लाम, मोमिनुल हक, मुशफिकुर रहिम, शकिब अल हसन, लिटन कुमेर दास, मेहदी हसन मिराज, ताइजुल इस्लाम, नईम हसन, नाहिद राना, हसन महमूद, तस्किन अहमद, सैयद खालिद अहमद र जेकर अली अनिक ।
पहिलो टेस्टका लागि भारतीय टोलीः
रोहित शर्मा (कप्तान), यशस्वि जैसवाल, शुभमन गिल, विराट कोहली, केएल राहुल, सरफराज खान, ऋषभ पन्त (विकेटकिपर), ध्रुव जुरेल (विकेटकिपर), रविचन्द्रन आश्विन, रविन्द्र जडेजा, अक्षर पटेल, कुलदीप यादव, मोहम्मद सिराज, दीप आकाश, जसप्रित बुमराह र यश दयाल ।
