पोखरा । पोखरा सहकारी बचतकर्ताले रास्वपा सभापति रवि लामिछानेलाई कालो झन्डा देखाएका छन् ।
पार्टीको प्रदेश विस्तारित बैठकमा सहभागि हुन पोखरा आएका लामिछानेलाई सहकारी बचतकर्ताले कालो झन्डासहित नाराबाजी गरेका हुन् ।
पोखरा महानगरपालिका–१७ बिरौटास्थित ग्यालेक्सी ब्यांक्वेटबाहिर सूर्यदर्शन सहकारी संस्थाका वचतकर्ताले प्रदर्शन गरेका हुन् ।
उनीहरुले ‘सहकारी ठगलाई राजनीतिक संरक्षण, कसले गर्छ हाम्रो वचतको संरक्षण’, प्रहरी प्रशासनको दुरुपयोग बन्द गरजस्ता नारा लगाएका छन् । उनीहरुले गोर्खा मिडिया प्रालिमा सूर्यदर्शन सहकारीबाट लगिएको रकम फिर्ता माग गरेका छन् ।
ब्यांक्वेट क्षेत्रमा बाक्लो संख्यामा प्रहरी परिचालन गरिएको छ । सहकारी पीडितको प्रदर्शनकाबिच रविलाई सुरक्षा दिएर कार्यक्रम हलमा पुर्याइएको छ ।
