एजेन्सी । इंग्ल्याण्डका अलराउन्डर मोइन अलीले अन्तर्राष्ट्रिय क्रिकेटका सबै फर्म्याटबाट सन्यास लिएका छन् । अष्ट्रेलियाविरुद्धको सेतो बल सिरिजमा इंग्लिस टोलीमा मौका नपाएपछि ३७ वर्षीय अलराउन्डरले यो निर्णय लिएका हुन् ।
२०१९ मा एकदिवसीय विश्वकप र २०२२ मा टी–२० विश्वकप जितेका ३७ वर्षीय मोइनले डेली मेललाई दिएको अन्तर्वार्तामा भने, ‘म ३७ वर्षको भएँ र यसै महिना अस्ट्रेलियाविरुद्धको सिरिजका लागि छनोट भइनँ । मैले इङ्ल्यान्डका लागि धेरै क्रिकेट खेलेको छु । अब यो अर्को पुस्ताको लागि समय हो, जुन मलाई भनिएको थियो । मलाई लाग्यो कि यो सही समय हो । मैले मेरो काम गरेको छु ।’
मोइनले आफ्नो अन्तिम अन्तर्राष्ट्रिय खेल टी–२० विश्वकप २०२४ मा खेलेका थिए । गुयानामा भारतसँगको सेमिफाइनल खेलमा इंग्ल्याण्डले हार बेहोरेको थियो ।
मोइन अलीले सन् २०२१ मा सन्यासको घोषणा पनि गरेका थिए । दुई वर्षपछि, २०२३ मा, उनी टेस्ट क्रिकेटबाट सन्यास लिएर फर्किए । त्यसपछि उनलाई ज्याक लिचको स्थानमा एसेज सिरिजका लागि छनोट गरिएको इंग्लिस टोलीमा समावेश गरियो ।
मोइनले टेस्ट कप्तान बेन स्टोक्स, इंग्ल्यान्डका मुख्य प्रशिक्षक ब्रेन्डन म्याकुलम र इङ्ल्यान्ड क्रिकेटका प्रबन्ध निर्देशक रोबर्ट कीजसँग कुरा गरेपछि यो निर्णय लिएका हुन् ।
मोइन अलीले सन् २०१४ मा अन्तर्राष्ट्रिय क्रिकेटमा डेब्यु गरेका थिए । अलराउन्डरका रूपमा उनले ६८ टेस्ट, १३८ एकदिवसीय र ९२ टी(२० अन्तर्राष्ट्रिय खेल खेलेका छन्। उनले इंग्ल्याण्डका लागि सबै फर्म्याटमा ८ शतक र २८ अर्धशतक सहित ६६७८ रन र ३६६ विकेट लिएका छन् ।
