काठमाडौं । विश्वभर माहामारीका रुपमा फैलिएको कोरोना भाईरस पहिलोपटक भारतमा देखिएको चिनियाँ वैज्ञानिकको समूहले दाबी गरेका छन्। भारतीय सञ्चारमाध्यम नव भारत टाइम्सका अनुसार चिनियाँ एकेडेमी अफ साइन्सका वैज्ञानिकहरूको समूहले भारतबाट गर्मी मौसममा २०१९ मा फैलिएको दाबी गरेका हुन् ।
चिनियाँ वैज्ञानिकहरूका अनुसार कोरोना भाइरस जनावर र फोहोर पानीबाट मानिसमा पुगेको र भारत हुँदै चीनको वुहान पुग्दा कोरोना भाइरसको पहिचान भएको बताएका छन् ।
चिनियाँ वैज्ञानिकहरूले भनेक छन्,'खराब स्वास्थ्य प्रणाली र युवाहरूको कारण कोरोना भाइरस सम्पर्क नआएका मानिसमा यो रोग सरेको थियो।' अहिले दोस्रो मुलुकका वैज्ञानिकले चिनियाँ वैज्ञानिकले गरेका दाबी गलत भएको बताएका छन्।
विश्व स्वास्थ्य संगठनले चीनमा कोरोना भाइरसको स्रोत पत्ता लगाउने काम गरिरहेको छ। यसको लागि संगठनले परीक्षण,खोज तथा अनुसन्धानको लागि आफ्नो प्रतिनिधिहरू पठाएको छ।
कोरोना भाइरसको पहिलो संक्रमण गत वर्षको डिसेम्बरमा वुहान प्रान्तमा फेला परेको थियो।
