काठमाडौं । काठमाडौ महानगरपालिकाका प्रमुख बालेन शाहले नेकपा एमालेका सांसद रेखा शर्मालाई बालश्रम शोषणको अपराधका लागि तत्काल पक्राउ गर्न माग गर्नुभएको छ ।
प्रदेश सांसद रेखा शर्माको फोटो सहित सामाजिक सञ्जालमा एक स्टाटस राख्दै मेयर साहले यस्तो प्रश्न गर्नुभएको हो ।
प्रधानमन्त्री केपी ओलीलाई प्रश्न गर्दे उहाँले अदालतले मुद्धा चलाउन भनेको व्यक्तीलाई किन पक्राउ नगरेको भन्दै कटाक्ष गर्नुभएको छ ।
उहाँले लेख्नु भएको छ-
वहाँ हुनुहुन्छ नेकपा एमालेकी प्रदेश सांसद रेखा शर्मा , वहाँ ले बिगत ८ वर्ष देखी बन्दी बनाएर , एक जना नबालिकालाई घरेलु कामदार को नाममा हिंसा गर्दै आउनु भएको छ, दैनिक रूप मा कुटपिट गर्दै आउनु भएको छ । काठमाडौं महानगर ले बिगत २ महिना देखी कारबाही अगाडी बढाउनु भन्दा पनि यो सरकार ले समाएको छैन । अदालतले पनि मुद्दा चलाउ भनेर भनी सकेको छ ।
सम्माननिय प्रधानमन्त्री खड्ग प्रसाद ओली ज्यु ,
सुशासन भनेको अदालतले नि समाउ भनेको तपाईंको सांसद रेखा शर्मा जसलाई बाल शोषण गरेको मुद्दा छ समाउन लाई भन्दछ । सायद तपाईंको लागि सुशासनको अर्थ सो बालिकाको मृत्यु पछि गोहिको आँसु चुहाएर फेसबुकमा समवेदना दिदै एक लाख घोषणा गर्नु नै होला । कहिले समाउने ? कि नसमाउने ?
