एजेन्सी । इंग्ल्याण्ड र श्रीलंकाबीच लर्ड्समा जारी दोस्रो टेस्टको तेस्रो दिन जो रुटले आफ्नो टेस्ट करियरको ३४औँ टेस्ट शतक प्रहार गरेका छन् ।
रुटले १२१ बलमा १०३ रनको इनिङ खेले । उनले यस टेस्टको पहिलो इनिङ्समा १ सय ४३ रनको शतकीय पारी पनि खेलेका थिए ।
योसँगै रुट इंग्ल्याण्डका लागि सबैभन्दा धेरै टेस्ट शतक बनाउने ब्याट्सम्यान बनेका छन् ।
पछिल्लो इनिङ्समा आफ्नो शतकसँगै उनले एलिस्टर कुकको ३३ टेस्ट शतकको संख्या बराबरी गरे थिए । लगातार दोस्रो शतकसँगै रुट उनीभन्दा अगाडि पुगेका छन् ।
