काठमाडौं । नेपाली तेक्वान्दो खेलाडी पलेशा गोबर्धन पेरिस पारालिम्पिकको क्वाटरफाइनलमा पराजित भएकी छन् ।
शुक्रबार भएको खेलमा उनी ब्राजिलकी सिल्भाना फर्नान्डेससँग १०–८ ले पराजित भएकी हुन्।
के–४४ क्याटगोरीअन्तर्गत महिला ५७ केजीमुनिको यो स्पर्धाको पहिलो चरणमा उनले भेनेजुएलाकी भलेरिया मोराल्सलाई ३१–० ले पराजित गर्दै क्वाटरफाइनलमा स्थान बनाएकी थिइन् ।
यद्यपि, पहिलो चरणमा जित निकालेका कारण पलेशाको रिपाचेज खेल्ने अवसर बाँकी नै छ ।
