२ माघ २०८१, बुधबार
,
Latest
सूर्योदय नगरपालिकामा शैक्षिक गुणस्तर सुधार्न ‘१२ महिना, १२ कार्यक्रम’ काठमाडौं महानगरले प्रदेश सरकारलाई राजश्वबाट उठेको ४० प्रतिशत रकम नबुझाएको कानूनमन्त्री लामिछानेको गुनासो कति सिकियो त भूकम्पले सिकाएको पाठ? सभापति देउवाले पार्टीका मन्त्रीहरूसँग छलफल गर्ने कंगनाको फिल्म ‘इमर्जेन्सी’लाई बंगलादेशमा प्रतिबन्ध लगाइयो पाँच महिनामा एक हजार बढी आगलागीका घटना, १६ जनाको मृत्यु तान्जानियामा मारबर्ग भाइसरका कारण आठ जनाको मृत्युः डब्लुएचओ प्रधानमन्त्रीबाट अन्तर्राष्ट्रिय ब्राण्डको मर्क्युर होटेल उद्घाटन अभ्यास खेलमा नेपाल अमेरिकासँग ५ विकेटले पराजित एलिट कपः लन्चअघि आर्मी ४६ रनले पछाडि, भीमको अर्धशतक
तपाईं के खोज्दै हुनुहुन्छ ?

तीनै ढाँचामा शतक बनाउने दोस्रो इंग्लिस खेलाडी डेविड मलानले अन्तर्राष्ट्रिय क्रिकेटबाट सन्यास लिए



अ+ अ-

एजेन्सी । इंग्ल्याण्ड क्रिकेट टोलीका स्टार ब्याट्सम्यान डेविड मलानले अन्तर्राष्ट्रिय क्रिकेटबाट सन्यास लिएका छन् ।

३७ वर्षीय मलान जोस बटलर बाहेक इंग्ल्याण्डका एकमात्र खेलाडी हुन् जसले तीनवटै फर्म्याटमा शतक प्रहार गरेका छन् ।

मलान टी–२० वरीयतामा नम्बर १ पनि बनेका थिए । मलान सन् २०२३ मा भएको एकदिवसीय विश्वकपपछि इंग्ल्याण्डको टोलीबाट बाहिरिएका थिए । उनी अष्ट्रेलियाविरुद्धको सिरिजमा पनि टिममा परेका छैनन् । जसका कारण उनले सन्यास लिने निर्णय गरेका हुन् ।

मलानले इंग्ल्याण्डका लागि २२ टेस्ट, ३० एकदिवसीय र ६२ टी–२० अन्तर्राष्ट्रिय खेले । उनी टी–२० क्रिकेटमा नम्बर १ ब्याट्सम्यान पनि बनेका छन् । इंग्ल्याण्डका यी खेलाडीले टेष्टमा २७.५३ को औसतमा १ हजार ७४ रन बनाएका थिए । एकदिवसीय खेलमा उनले ५५.७६ को औसतमा १४५० रन बनाएका छन् ।

टी–२० मा उनले ३६.३८ को औसतमा १ हजार ८९२ रन बनाएका छन् । मलानले टेस्ट र टी–२० मा १–१ शतक र एकदिवसीयमा ६ शतक प्रहार गरेका छन् ।

मलानले सन् २०१७ मा दक्षिण अफ्रिकाविरुद्धको टी–२० अन्तर्राष्ट्रिय डेब्यु खेलमा ४४ बलमा ७८ रन बनाएका थिए । यसपछि उनले एसेजमा पर्थमा जोनी बेयरस्टोसँगको साझेदारीमा २२७ बलमा १४० रनको एकमात्र टेस्ट शतक बनाए ।

बायाँ हाते ब्याट्सम्यान मलानले आईपीएल पनि खेलिसकेका छन् । मलानलाई पञ्जाब किंग्सले सन् २०२१ मा १.५ करोड भारुमा टोलीको हिस्सा बनाएको थियो । तर, उनले एक खेलमा मात्रै खेल्ने मौका पाए । आईपीएलमा उनको नाममा २६ रन छन् ।