काठमाडौं । मंगलबार कारोबारको पहिलो घण्टामा शेयर बजार परिसूचक शून्य दशमलव ९२ अंकले बढेको छ । पहिलो घण्टाको अवधिमा १८८ ओटा कम्पनीको रू. २ अर्ब ४४ करोड ५८ लाख बराबरको ७७ लाख १४ हजार ४०२ कित्ता शेयरको खरीदविक्री भएको छ । उक्त कारोबार २२ हजार ६२२ पटकको व्यापारमा भएको हो । २ हजार ००९ दशमलव ४६ विन्दुबाट शुरु भएको बजार कारोबारको पहिलो घण्टामा शून्य दशमलव शून्य ५ प्रतिशत बढेर १ हजार ९९७ दशमलव ९८ विन्दुमा पुगेको छ ।
पहिलो घण्टामा कारोबारमा आएका १२ ओटा समूहको परिसूचकमध्ये ६ ओटा समूहको परिसूचक घटेको छ भने बाँकी ६ ओटा समूहको परिसूचक बढेको छ । जसमध्ये अन्य समूहको परिसूचक सबैभन्दा बढी २ दशमलव ५६ प्रतिशतले बढेको छ । यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. ३० करोड २२ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू.१ हजार ५३० मा कारोबार भइरहेको छ ।
