![](https://newspolar.com/wp-content/uploads/2024/08/br-e1723942623194.jpg)
काठमाडौँ । इंग्लिस प्रिमियर लिग फुटबलमा ब्राइटनले सहज जित निकालेको छ । गएराति भएको खेलमा ब्राइटनले एभर्टनलाई उसकै मैदानमा ३–० गोलले हराएको हो ।
ब्राइटनको जितमा काओरु मितोमा, ड्यानी वेलवेक र सिमोन एडिंग्राले एक–एक गोल गरे ।
जितसँगै ब्राइटनले तीन अंक जोडेको छ ।
गएराति नै भएको अर्को खेलमा नटिङहम फरेस्ट र बर्नमाउथले १–१ गोलको बराबरी खेल्दै अंक बाँडेका छन् ।
खेलको २३ औं मिनेटमा क्रिस वुडले गोल गर्दै घरेलु टोली नटिङहमलाई सुरुवाती अग्रता दिलाएका थिए । तर, ८६ औं मिनेटमा एन्टोनी सेमेन्योले गोल गर्दै बर्नमाउथको हार टारे ।