काठमाडौ । नेपाल कम्युनिस्ट पार्टी (नेकपा)को स्थायी कमिटी बैठकले दुबै अध्यक्षले पेश गरेको प्रस्ताबलाई बैठकको एजेण्डा नबनाउने निर्णय गरेको छ ।
धुम्बाराहीस्थित केन्द्रीय कार्यालयमा बसेको बैठकले दुबै अध्यक्षले एक अर्काप्रति आरोप लगाउदै पेश गरेको प्रतिबेदनलाई एजेण्डा नबनाउने तर उहाँहरुले त्यसमा रहेर आफना धारणा भने राख्न सक्ने मार्ग प्रसस्त गरेको छ ।
आजको बैठकमा अध्यक्ष पुष्पकमल दाहालले नयाँ पुस्ताका लागि आफु अध्यक्ष पद छाड्न तयार रहेको जानकारी गराउनु भएको थियो । यस अघि अर्का अध्यक्ष एबं प्रधानमन्त्री केपी ओलीले पनि नयाँपुस्तामा नेतृत्व हस्तान्तरण गर्न आफु तयार रहेको बताउनु भएको थियो ।
महासचिब बिष्णु पौडेलले पनि सचिवालयको जिम्मेबारी निर्बाह गर्न नसकेको कारण सचिवालयका सबै सदस्यहरुले स्थायी समिति समक्ष हात उठाउनका लागि सुझा दिनु भएको थियो । दुई अध्यक्ष बीच बढेको मनमुटाब कम गर्न का लागि प्रस्ताब बैठकको एजेण्डा नबनेका र मङ्सिर २८ सम्म सहमतिको खाका तयार हुने एक स्थायी समितिका सदस्यले न्यूज पोलारलाइ जानकारी दिनुभयो । दुबै अध्यक्षले औपचारीक रुपमा नेतृत्व हस्तान्तरणको कुरा राखेपछि अब नेकपा भित्रको बिवाद नयाँ एजेण्डामा प्रबेश गरेको छ ।
