भक्तपुर। गठ्ठाघरमा दुर्घटना परी मृत्यु भएकी स्कुटर चालक महिलाको शव उठाइएको छ ।
आज दिउँसो ट्रकको ठक्करबाट स्कुटरमा सवार एक महिलाको मृत्यु भएको थियो । ट्राफिक प्रहरीले चेकिङ गरिरहेका बेला रोकिराखेको स्कुटरलाई ना ६ ख २१७३ नम्बरको ट्रकले ठक्कर दिई केही मिटर परसम्म घिसारिएको थियो ।
दिनभर तनावग्रस्त बनेको गठ्ठाघरमा शव उठाएपछि माहोल शान्त बन्दै गएको छ । ट्राफिक प्रहरीको कमजोरीको कारण महिलाको मृत्यु भएको भन्दै स्थानीयहरुले केहीबेर ट्राफिक प्रहरीविरुद्ध प्रदर्शन गरेका थिए ।
आक्रोशित स्थानीयले मृतक महिलाको शव उठाउन दिएका थिएनन । प्रहरी र प्रदर्शनकारीबीच ढुंगा हानाहान समेत भएको थियो ।
