काठमाडौं । आज (मंगलबार) सर्वदलीय बैठक आह्वान गरिएको छ । प्रधानमन्त्री केपी शर्मा ओलीले मुलुकको समसामयिक राष्ट्रिय राजनीतिक विषयमा छलफल गर्न सर्वदलीय बैठक आह्वान गर्नुभएको हो । बैठक आज बिहान ११ बजे बालुवाटारमा बोलाइएको छ । प्रधानमन्त्रीका प्रेस सल्लाहकार सूर्य थापाका अनुसार
मुलुकमा देखिएका विभिन्न राजनीतिक समस्या र कोभिड व्यवस्थापनबारे प्रमुख दलका प्रतिनिधिहरूसँग छलफल गरी उपयुक्त निकास निकाल्ने उद्देश्यसहित प्रधानमन्त्रीले सर्वदलीय बैठक आह्वान गर्नुभएको हो ।
बैठकमा पछिल्ला दिनमा राजावादीहरूले विभिन्न जुलुस र धर्ना कार्यक्रम आयोजना गरी संघीय शासन प्रणालीमाथि नै घृणा जगाउन खोजेकाले यस विषयमा गम्भीर रूपमा छलफल हुने बताइएको छ । संसद्का प्रतिनिधित्व गर्ने राजनीतिक दलका प्रतिनिधिलाई बैठकमा बोलाइएको भए पनि राजावादी आन्दोलनलाई सहयोग गर्ने दलका प्रतिनिधिहरूलाई भने बैठकमा बोलाइएको छैन ।
