ललितपुर । सामुदायिक वन संरक्षणमा उत्कृष्ट काम गर्नेहरु उपभोक्ता समितिलाई सरकारले सम्मान तथा पुरस्कृत गरेको छ ।
सामुदायिक वन राष्ट्रिय दिवसका अवसरमा वन तथा भूसंरक्षण विभागले गरेको कार्यक्रममा वन तथा वातावरण मन्त्री ऐनबहादुर शाहीले विभिन्न उपभोक्ता समितिलाई सम्मान तथा पुरस्कृत गर्नुभएको हो ।
गणेशमान सिंह सामुदायिक वन राष्ट्रिय पुरस्कारबाट पुरस्कृत हुनेहरू जनज्योति समुदायिक वन उपभोक्ता समूह बारा प्रथम स्थानमा रही एक लाख पुरस्कार प्राप्त गरेको छ । दोस्रो स्थानमा नागी समुदायिक वन उपभोक्ता समूह म्याग्दीले नगद ५० हजार पुरस्कार जितेको छ ।
यस्तै तेस्रो पुरस्कार दियालो सामुदायिक वन उपभोक्ता समूह झापा र उमाचोक समुदायक वन उपभोक्ता समूह तनहुँले ५० हजार प्राप्त गरेका छन ।
त्यसैगरी सान्त्वना पुरस्कार धान खेती समुदायिक वन उपभोक्ता समूह मोरङ र सिङदर्जा सामुदायिक वन उपभोक्ता समूह रूपन्देहीले २५ हजार नगद प्राप्त गरेका छन् ।
कबुलियती वन राष्ट्रिय पुरस्कारबाट प्रथम स्थान ल्याउने बेनडाँडा कबुलियती वन समूह पाल्पाले एक लाख प्राप्त गरेको छ । दोस्रो स्थानमा सिमपानी कबुलियती वन समूह पाँचथर ७५ हजार नगदबाट पुरस्कृत भएको छ ।
