काठमाडौं । प्रभु लाइफ इन्स्योरेन्स कम्पनीको आईपीओ आज सोमबार देखि आइपिओ विक्री खुला भएको छ । कम्पनीले आजदेखि ६० करोड रुपियाँ बराबरको ६० लाख कित्ता साधारण सेयर (आइपीओ) निष्काशन खुल्ला गरेको हो ।
सर्वसाधारणका लागि छुट्याइएको कुल कित्तामध्ये ३ लाख कित्ता अर्थात ५ प्रतिशत कर्मचारीका लागि र अर्को ५ प्रतिशतले हुने ३ लाख कित्ता सामुहिक लगानी कोषका लागि छुट्याइएको छ । बाँकी ५४ लाख कित्ता भने सर्वसाधारणले आवेदन दिन सक्नेछन् ।
आईपीओमा इच्छुक लगानीकर्ताले न्यूनतम १० कित्तादेखि अधिकतम ५ हजार कित्ताको लागि आवेदन दिन सक्ने धितोपत्र बिक्रि प्रबन्धक सिद्धार्थ क्यापिटलले जनाएको छ । छिटोमा पुस २ गते र ढिलोमा १२ गते निष्काशन बन्द हुनेछ । कम्पनीको आईपीओलाई इक्रा नेपालले ग्रेडिङ ४ दिएको छ ।
लगानीकर्ताले सिद्धार्थ क्यापिटल लिमिटेड, नक्साल, काठमाडौं, प्रभु लाइफ इन्स्योरेन्स कम्पनी लिमिटेड, कमलादी, काठमाडौँ तथा नेपाल धितोपत्र बोर्डबाट स्वीकृती प्राप्त गरेका सम्पूर्ण सि–आस्वा सेवामा सहभागी बैंक तथा वित्तीय संस्था र तिनका शाखा कार्यालयहरुबाट आवेदन दिन सक्नेछन् । साथै मेरो शेयर एप र मेरो शेयर सफ्टवेयर मार्फत पनि आवेदन दिन सकिने बिक्री प्रबन्धकले जनाएको छ ।
