काठमाडौं । सोमबार कारोबारको पहिलो घण्टामा नेप्से परिसूचक ३० दशमलव २७ अंकले बढेर २ हजार ०४० दशमलव ७१ विन्दुमा पुगेको छ । कारोबारको पहिलो घण्टामा २ हजार ०२२ दशमलव ७३ विन्दुबाट शुरु भएको बजार १ दशमलव ५१ प्रतिशतले बढेको हो ।
पहिलो घण्टाको अवधिमा १८६ ओटा कम्पनीको रू. १ अर्ब ८१ करोड ५८ लाख बराबरको २६ लाख ४८ हजार ४६३ कित्ता शेयरको खरीदविक्री भएको छ । उक्त कारोबार १४ हजार २६ पटकको व्यापारमा भएको हो ।
कारोबारको पहिलो घण्टामा साल्ट ट्रेडिङ र्कोरेशनको शेयरमूल्य १० प्रतिशतले बढेको छ । त्यसैगरी, ग्लोबल आइएमई लघुवित्तको शेयरमूल्य ९ दशमलव ९९, नारायणी डेभलपमेण्ट बैंकको ९ दशमलव ९८, महुली लघुवित्तको शेयरमूल्य ९ दशमलव ९६ र उन्नति सहकार्य लघुवित्तको शेयरमूल्य ९ दशमलव ९२ प्रतिशतले बढेको छ ।
पहिलो घण्टामा कारोबारमा आएका १२ ओटा समूहको परिसूचकमध्ये जलविद्युत समूहको परिसूचक शून्य दशमलव १६ प्रतिशतले घटेको छ भने बाँकी बैंकिङ, व्यापार, होटल्स, विकास बैंक, वित्त, निर्जीवन बीमा, उत्पादन तथा प्रशोधन, अन्य लघुवित्त, जीवन बीमा र म्युचुअल फण्ड समूहको परिसूचक बढेको छ ।
यस अवधिसम्म नेपाल लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. ३० करोड ६८ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. २ हजार १९५ मा कारोबार भइरहेको छ ।
