![](https://newspolar.com/wp-content/uploads/2024/07/mahaprasha-adhakari.png)
काठमाडौं । नेपाल राष्ट्र बैंकले सेयर धितो कर्जामा संस्थाहरुलाई दिइने अधिकतम २० करोडको सीमा हटाएको छ ।
शुक्रबार मौद्रिक नीति सार्वजनिक गर्दै गभर्नर महाप्रसाद अधिकारीले बैंक तथा वित्तीय संस्थाहरुका लागि सेयर धितो कर्जाको सीमा खारेज गरिएको बताएका हुन् ।
यसमा व्यक्तिगत कर्जाको सीमाका सम्बन्धमा भने कुनै नयाँ व्यवस्था गरिएको छैन । व्यक्तिका हकमा सेयर धितो कर्जाको सीमा १५ करोड रुपैयाँ रहेको छ ।
यस्तै, गभर्नर अधिकारीले चालु आर्थिक वर्षका लागि निजी क्षेत्रमा जाने कर्जा प्रवाह १२ प्रतिशत बढाउने लक्ष्य लिएको बताएका छन् ।
त्यस्तै मुद्रास्फिति ५.५ प्रतिशतमा कायम गर्ने लक्ष्य लिइएको छ ।
त्यस्तै, आर्थिक वर्ष २०८१/८२ को मौद्रिक नीति निक्षेप संकलन दर ३ प्रतिशतमा यथावत राखिएको छ । विस्तृत मुद्राप्रदाय १२ प्रतिशत हासिल हुने लक्ष्य लिइएको छ भने सिआरआर तथा एसएलआरलाई यथावत राखिएको छ ।