काठमाडौं । साताको अन्तिम कारोबारको दिन बिहिबार पहिलो घण्टामा नेप्से कारोबार भएको पहिलो घण्टामा १२.६१ अंकले घटेको छ । २ हजार ०५८ दशमलव ७२ विन्दुबाट शुरु भएको बजार कारोबारको पहिलो घण्टामा शून्य दशमलव ६१ प्रतिशतले घटेर २ हजार ०४२ दशमलव ५८ विन्दुमा पुगेको छ ।
पहिलो घण्टाको अवधिमा १८५ ओटा कम्पनीको रू. १ अर्ब ७७ करोड ५५ लाख बराबरको २९ लाख ३९ हजार ६९८ कित्ता शेयरको खरीदविक्री भएको छ । उक्त कारोबार १८ हजार ८९९ पटकको व्यापारमा भएको हो । बिहिबार पहिलो घण्टाको कारोबारमा आएका १२ ओटा समूहको परिसूचकमध्ये विकास बैंक समूहको परिसूचक शून्य दशमलव ११ र लघुवित्त समूहको परिसूचक १ दशमलव २८ प्रतिशतले बढेको छ भने बाँकी बैंकिङ, व्यापार, होटल्स, जलविद्युत, वित्त, निर्जीवन बीमा, उत्पादन तथा प्रशोधन, अन्य, जीवन बीमा र म्युचुअल फण्ड समूहको परिसूचक घटेको छ ।
यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. २९ करोड ११ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य रू. १ हजार ५१९ मा कारोबार भइरहेको छ । कारोबारको पहिलो घण्टामा सर्वाधिक शेयरमूल्य बढ्ने कम्पनीहरुमा महुली लघुवित्त र माउन्टेन इनर्जी रहेका छन् । यस अवधिमा महुली लघुवित्तको शेयरमूल्य ९ दशमलव ९३ र माउन्टेन इनर्जीको ९ दशमलव ७९ प्रतिशतले बढेको छ ।
