काठमाडौँ । काठमाडौँबाट पोखरातर्फ प्रस्थान गर्नेक्रमा सौर्य एयरको ९ एन एएमई जहाज दुर्घटना हुँदा विमानमा सवार १८ जनाको निधन भएको छ ।
उक्त जहाज उड्ने क्रममा त्रिभुवन अन्तर्राष्ट्रिय विमानस्थलको ‘रन वे’ पूर्वतर्फको खाल्डोमा खसेको थियो ।
विमानमा सवार १९ जनामध्ये १८ जनाको निधन भएको नेपाल प्रहरीले जानकारी दिएको छ । ४ जनाको उद्धार गरिएको थियो । प्रहरीका अनुसार ३ जनाको त्रिवि शिक्षण अस्पताल र एक जनालाई केएमसी लगिएको थियो ।
त्रिवि शिक्षण अस्पतालमा उपचाररत तीन जनाको पनि निधन भएको हो ।
जहाजमा रहेका क्याप्टेनको उद्धार गरी केएमसी अस्पतालमा थप उपचार भइरहेको प्रहरीले जनाएको छ । शवहरू शिक्षण अस्पताल महाराजगञ्जमा ल्याइँदै छ ।
सौर्य एयरको जहाज मर्मतका लागि कर्मचारी र प्राविधिक लिएर पोखरा जाँदै गरेको उक्त विमान दुर्घटनामा परेको हो । अहिले विमानस्थलमा आन्तरिक उडान प्रभावित भएको छ ।
तस्बिर: प्रदीपराज वन्त/रासस
