काठमाडौँ । अर्जेन्टिनी स्टार फरवार्ड एन्जल डी मारियाले अन्तर्राष्ट्रिय फुटबलबाट सन्यास लिएका छन् ।
सोमबार बिहान भएको कोपा अमेरिकाको फाइनल खेलपछि डी मारियाले औपचारिक रुपमा अन्तर्राष्ट्रिय फुटबललाई बिदाई गरेका हुन् ।
उनले कोपाको फाइनलमा सुरुवाती ११ मा स्थान बनाएका थिए । खेलको १ सय १७ औँ मिनेटमा मैदान छाडेका उनी निकै भावुक देखिन्थे ।
गत नोभेम्बरमा नै डी मारियाले कोपा अमेरिकापछि सन्यास लिने घोषणा गरेका थिए ।
सन् २००७ मा डी मारियाले अर्जेन्टिनी यू २० बाट टोलीमा स्थान बनाएका थिए । सन् २००८ मा सिनियर टोलीमा डेब्यु गरेका डी मारियाले १ सय ४५ खेलमा ३१ गोल गरेका छन् । उनले अर्जेन्टिनाबाट ४ विश्वकप खेलेका छन् ।
